«Манчестер Юнайтед» ҳужумчиси Уэйн Руни интервью бериб, футболчилик фаолиятини якунланганидан кейин мураббий сифатида ишлаш нияти борлигини маълум қилди.
«Умид қиламан, вақти келиб мураббий бўламан. Ҳозирданоқ айрим нарсаларни ўзим учун белгилаб қўйишга ҳаракат қиляпман, жамоалар ўйинни қай тариқа ташкил қилаётганига аҳамият беряпман. Ёш улғайган сари жамоаларнинг ўйин услублари ўртасидаги фарқни ва уларга қарши қандай ўйнаш кераклиги ҳақида фикрлашни бошлайсан. Бу футболга нисбатан бутунлай бошқача назар ва уни англаш услуби», — дейди Руни.
