"Реал" клубининг жамоатчилик билан ишлаш бўйича директори Эмилио Бутрагеньо жамоа бош мураббийи Рафаэль Бенитес ва ҳужумчи Криштиану Роналду ўртасида муносабатлар совуқлашгани ҳақидаги гап-сўзларга ойдинлик киритди.

“Бенитес ва Роналду ўртасида ҳеч қандай низо чиқмади. Тўғри, улар ҳар оқшом бир-бирининг уйига меҳмонга бораётгани йўқ. Аммо иккиси ҳам профессионал ва иш жараёнида бир-бирини тўлиқ қўллаб-қувватлайди.

Қолган барча гап-сўзлар – матбуот томонидан ўйлаб топилган уйдирма. Улар шу орқали жамоадаги муҳитни издан чиқариш ниятидалар.

Мураббийнинг алмашиши ҳамма вақт баҳс-мунозарага сабаб бўлади. Кўриниб турибдики, кимдир, шундай фойдаланиб қолишга уринмоқда”, - дея euro-football.ru AS нашрига таяниб Бутрагеньонинг интервьюсини келтиради.