Дортмунднинг “Боруссия” клуби форварди Пьер-Эмерик Обамеянг ўзининг бошқа клубга ўтиши ҳақида тарқалган миш-мишларни инкор этди.
Сўнгги вақтларда габонлик футболчи хизматларига “Арсенал” ва “Тоттенхэм” клубларининг қизиқиш билдираётгани ҳақида хабарлар тарқалганди, аммо ҳужумчи янги мавсумни немис жамоасида ўтказишини маълум қилди.
“Мен “Боруссия”да бахтлиман, шаҳар ҳам, жамоа ҳам менга ёқади ва ҳеч нарсани ўзгартирмоқчи эмасман. Охирги беш йил ичида Дортмунд жамоаси икки карра Германия чемпиони бўлди. Клуб билан Чемпионлар Лигаси финалида ўйнадик. Агар жамоанинг совринлар юта олишига ишонмаганимда ҳозир бу ерда бўлмасдим”, — дейди Пьер-Эмерик.