“Реал” ҳимоячиси Пепе келаси йили ёзда клубни эркин агент сифатида тарк этиши мумкин.

32 ёшли португалиялик футболчининг Мадрид жамоаси билан келишуви 2016 йил 30 июнигача мўлжалланган. Агар “Қироллик клуби” билан шартнома муддати узатйирилмаса, Пепе 2016 йил 1 январидан бошлаб бошқа жамоага ўтиш бўйича музокаралар ўтказиш ҳуқуқига эга бўлади.

Sports.ru нинг A Bola га таяниб хабар қилишича, “Реал” раҳбарияти Пепе билан келишувни узайтирмоқчи эмас.Футболчи хизматларига “Челси” ва “Манчестер Сити” қизиқиш билдирган.

Эслатиб ўтамиз, Кеплер Пепе “қаймоқранглилар” сафида 2007 йилдан буён ўйнаб келади. Якунига етган мавсум Мадрид клубида 38 учрашув ўтказган ва 2 гол ҳамда учта голли узатмага муаллифлик қилган.