"Реал" ҳимоячиси Пепе жамоадоши Серхио Рамоснинг "Қироллик клуби"ни тарк этмаслигига ишонаяпти. Айни кунларда ҳали ҳам Рамоснинг "Реал"даги келажаги сўроқ остида турибди.
"Рамос жуда яхши ҳолатда эканини кўрдим. Унинг "Реал"дан кетиши ҳақидаги фикрлар хаёлмизга ҳам келмаяпти. Серхио - бизнинг сардор, унинг жамоада қолишига ишонаман. Клубда ҳамма уни яхши кўради, футболчилар ҳам, мухлислар ҳам. Серхио биз учун ўрнак ва мен унинг "Реал"дан кетмаслигига умид қиламан", — дея Пепе сўзларини келтиради Marca га асосланиб Championat.com.
Аввал Рамоснинг Мадрид клубида йилига 10 млн евро маош олишни истаётгани, "қаймоқранглилар" президенти Флорентино Перес эса бунга рози эмаслиги хабар қилинганди.