"Реал" ҳимоячиси Серхио Рамос клуб президенти Флорентино Перес билан учрашиб, келажаги борасида бир тўхтамга келиб олгани хабар қилинмоқда.
Мадридликлар айни пайтда Хитойнинг Гуанчжоу шаҳрида мавсумга тайёргарлик кўришмоқда. Мана шу шаҳарда ўтган учрашувда Рамос клуб билан шартномасини узайтиришга розилик берган.
Рамоснинг сўзларига кўра, гап шартноманинг молиявий томонларида эмас. Шунчаки, футболчи ўзи севган жамоада унинг қадрига етишларини истаб, жамоадан кетиш ҳақида хабар қилган.