"La Gazzetta dello Sport" нашрининг хабар беришича, "Интер" ёзда жамоа таркибида жиддий ўзгаришлар ўтказишга тайёргарлик кўрмоқда.
Ҳимоячилар триоси — Франческо Ачерби, Стефан де Врей ва Маттео Дармиан мавсум якунида шартномалари тугагач, "нерадзуррилар" билан хайрлашади.
Дарвозабон Ян Зоммер ҳам кетади: "Интер" у билан келишувни узайтириш ниятида эмас ва ҳозирда унинг ўрнини босувчи номзодни қидирмоқда. "Тоттенхэм" посбони Гульельмо Викарио клубнинг асосий нишони бўлиб турибди.
Шунингдек, фахрий ярим ҳимоячи Генрих Мхитаряннинг ҳам "Интер"даги фаолияти шу ёзда ниҳоясига етади.
Шу билан бирга, Милан клуби ўз юлдузлари — Николо Барелла ва Маркус Тюрамни сотишга тайёр. Барелланинг шартномасида 25 миллион евролик товон пули кўрсатилган, Тюрам эса 60 миллион еврога баҳоланмоқда.
