"La Gazzetta dello Sport" nashrining xabar berishicha, "Inter" yozda jamoa tarkibida jiddiy o‘zgarishlar o‘tkazishga tayyorgarlik ko‘rmoqda.
Himoyachilar triosi — Franchesko Acherbi, Stefan de Vrey va Matteo Darmian mavsum yakunida shartnomalari tugagach, "neradzurrilar" bilan xayrlashadi.
Darvozabon Yan Zommer ham ketadi: "Inter" u bilan kelishuvni uzaytirish niyatida emas va hozirda uning o‘rnini bosuvchi nomzodni qidirmoqda. "Tottenxem" posboni Gulyelmo Vikario klubning asosiy nishoni bo‘lib turibdi.
Shuningdek, faxriy yarim himoyachi Genrix Mxitaryanning ham "Inter"dagi faoliyati shu yozda nihoyasiga yetadi.
Shu bilan birga, Milan klubi o‘z yulduzlari — Nikolo Barella va Markus Tyuramni sotishga tayyor. Barellaning shartnomasida 25 million yevrolik tovon puli ko‘rsatilgan, Tyuram esa 60 million yevroga baholanmoqda.
