"Барселона" ҳужумчиси Неймар клубдаги жамоадоши Лионель Месси билан дунёнинг энг яхши футболчиси соврини учун кураш олиб бормаслигини айтиб ўтди.
Бразилиялик футболчининг сўзларига кўра, у бу борада ҳеч ким билан баҳслашмоқчи эмас.
- Мессидан ўзиб кетмоқчи эмасман, - дея Неймар сўзларини келтиради Marca га асосланиб Спорт Экспресс. - Аввал қилгани каби ўз йўлимни топишни истайман. Голлар киритишни ва совринлар ютишни истайман. Бу учун кимдандир ўтиб кетиш, кимгадир етиб олиш, қувиб ўтиш ёки уриш керак эмас менимча. Шунчаки маҳоратимни ўстирмоқчиман.
