Бугун Ўзбекистон Биринчилигининг иккинчи босқич ўйинларига қуръа ташлаш маросими бўлиб ўтгани ҳақида айтиб ўтдик.
Маълум бўлишича, биринчи лиганинг кўплаб клублари ҳали ҳам ПФЛдан қарздор экан. Айрим жамоалар бу йилги бадал пулини ярмини тўлаган бўлса, айримлари умуман тўламаган. Ҳатто ўтган йил бўйича ҳам қарздорлар борлиги маълум бўлди.
ПФЛ етакчи мутахассиси Валерий Лёткинни таъкидлашича, “Косонсой” жамоасининг қарздорлиги 27.500.000 экан. Бундан ташқари, клубларни жарималар борасида ҳам қарздорлиги мавжудлиги маълум бўлди.
ПФЛ Бош директори Фарҳод Магометов қарздор клубларни иккинчи босқич учун футболчиларни рўйхатдан ўтказишга рухсат бермаслигини таъкидлаган.
