Туриннинг "Ювентус" клуби ҳимоячиси Леонардо Бонуччи жамоаси билан янги шартномага имзо чекди.
28 ёшли футболчи "кекса синьора" сафига 2010 йили "Бари" жамоасидан келиб қўшилган ва шу вақт оралиғида у клуб ва Италия терма жамоаси асосий ҳимоячиларидан бирига айланиб улгурди. Ўтган мавсум Бонуччи 47 учрашувда 3 голга муаллифлик қилган.
Янги келишувлар тез бўлиб ўтган ва бугун Бонуччи унга имзо чеккан. Энди ҳимоячи 2020 йилга қадар туринликлар шарафини ҳимоя қилади, дея хабар беради Tutto Mercato нашри. Шартноманинг қолган шартлари ҳақида маълумот берилганича йўқ. Футболчи эса хотиржам тарзда янги мавсумга тайёргарликни давом эттирмоқда.
