Олий лига дебютанти “Қўқон-1912” жамоаси давралар оралиғида ўз сафини бир қатор янги футболчилар билан тўлдириб олди.
Булар “Нефтчи”дан ижарага олинган Ойбек Нурбоев ва Отабек Ҳайдаров, биринчи даврани “Сўғдиёна”да ўтказган Суҳроб Қобилов ва Илҳом Комилов ҳамда Ўзбекистон олимпия терма жамоаси аъзоси Асилбек Омонов.
31 июль, жума куни Қўқондаги “Марказий” ўйингоҳда янги ўйинчиларни кенг оммага таништириш ҳамда уларга футболка топшириш маросими бўлиб ўтади. Таништирув маросими соат 17:00 да бошланади.
Шунингдек, шу куни “Қўқон-1912” жамоасининг мухлислар билан учрашувини ўтказиш ҳам режалаштирилган. Ушбу тадбиримизга барча ОАВ ходимларини ва мухлисларни таклиф этиб қоламиз, дейилади клуб расмий сайтидаги хабарда.
