“Локомотив” футбол мактабининг 2004 йилда туғилган тарбияланувчилари “Локобол” Суперфинал ўйинларида иштирок этиш учун Россия пойтахти Москвага жўнаб кетишгани ҳақида хабар бериб ўтгандик.

Бугун Отабек Мансуров шогирдлари гуруҳ босқичида иккита ўйин ўтказиб, ҳар иккала учрашувда ҳам ҳисоб очилмади. “Локо-2004″ дастлаб “Сахалин”га қарши майдонга тушган бўлса, иккинчи ўйинни “Сибирь”га қарши ўтказди. Иккала баҳсда ҳам 0:0 ҳисоби қайд этилди.

Ёш “темирйўлчилар” “Локомотив” (Москва) тарбияланувчиларига қарши майдонга тушишади. Айтганча, вакилларимиз якшанба куни бўлиб ўтадиган “Локомотив” – “Динамо” баҳсини бевосита стадионда кузатишади. Ташкилотчилар тошкентлик “темирйўлчилар”га шундай шароит яратиб беришди.