"Олмалиқ" - "Пахтакор" (1:2) учрашувидан кейин ташкил этилган матбуот анжуманида мезбонлар бош мураббийи Игорь Шквирин иштирок этди.
"Майдонда кескин кураш кечди ва ўйин қизиқарли ўтди. Бундай ўйинлар футболимиз учун фақат фойдали. Бундай беллашувлар сони кўпроқ бўлса, шунчалик яхши. Баҳсни ёмон бошладик ва марказда деярли ўйнамадик. “Пахтакор” биз камчилик бўлиб қолгунга қадар устунлик қилди. Кейин эса яхшироқ ўйнадик. Бироқ иккинчи бўлимда кучимиз етмай қолди. Бўлим бошида яхши вазиятларни юзага келтирдик, бироқ ҳужумни якунлаш чоғида тўғри ўйнамадик.
Омад етишмади деб ўйламайман. Йованович гол урмаган ҳолатда унга маҳорат етишмади. Шунчаки тўпни тепиши керак эди. Ўйин бошқача кечиши мумкин эди".
