“Барселона” ярим ҳимоячиси Андрес Иньеста “Фиорентина”га қарши Халқаро чемпионлар кубоги ўйини доирасида жароҳат олди. Бу ҳақида sports.ru хабар берди.
Тажрибали футболчи учрашувнинг биринчи бўлимида жароҳат олган ва танаффусдан сўнг майдонга қайтмаган.
Каталонияликлар устози Луис Энрикенинг фикрига кўра, Иньестанинг жароҳати у қадар жиддий эмас. Аммо испан ўйинчиси душанба куни қўшимча тиббий кўрикдан ўтиши зарур.
Иньестанинг Европа Суперкубоги ўйинида иштирок этиши ҳозирча сўроқ остида қолмоқда.
