“Бунёдкор”нинг иқтидорли ярим ҳимоячиси Миржамол Қосимов июл ойи сўнггида Киевнинг “Динамо” жамоаси кўригида бўлиб қайтди.

10 кун давомида украин гранди сафида машғулотларда қатнашган ёш истеъдод эгаси куни кеча юртимизга қайтиб келди.

- “Динамо К” сафида 10 кун машғулотларда иштирок этдим. Таассуротлар ижобий. Уерда чиндан кучли мутахассислар қўл остида шуғулландик. Машғулотларни асосан испан мураббийлари ўтказишди. Шу боисдан ҳам клуб тизимидаги барча жамоалар асосан испанча ўйин кўрсатишар экан.

Аммо ушбу йиғинга бироз кеч бориб қўшилганим сабаб расмий ўйинларда иштирок этиш имкони бўлмади. Лекин “Динамо” раҳбарлари имкон бўлса декабр ойида яна бир бор кўрикка келишимни айтишди, - дейди Миржамол Қосимов SPORT TVдаги “Футбол шарҳи” кўрсатуви эфирида.