Хабар берганимиздек, жамоамизнинг тоғдаги йиғини якунлангач, футболчиларга икки кунлик таътил берилган эди.
Икки кун давомида ҳордиқ чиқарган футболчиларимиз 3 августдан тайёргарликни давом эттиришмоқда. Айтиш керак, Тошкентда давом этаётган йиғинда янги ўйинчилар кўрикдан ўтмоқда. Хусусан, “Бунёдкор-2”дан Турсун Раҳимбердиев, Шаҳзод Анваров, Даврон Умиров келиб қўшилган бўлса, биринчи босқични “Зомин”да ўтказган Омад Тойлоқов ҳам машғулотларда иштирок этмоқда.
Жамоамиз бугун “НБУ-Осиё”га қарши назорат учрашувида майдонга тушади. 8 августда ҳам яна бир ўртоқлик ўйини ўтказилиши режалаштирилган.
