Иккинчи даврада муваффақиятли иштирок этишни мақсад қилган Қаршининг “Насаф-2” жамоаси 1 августдан бошлаб ўз қароргоҳида тайёргарлик машғулотларини бошлаб юборган.
Нурали Султонов ва Павел Кшнянкин бошчилигидаги “Насаф” футбол академияси тарбияланувчиларидан ташкил топган жамоа кунига икки маҳал ўқув машғулотларини ўтказишмоқда. Бош мураббий айни пайтда қўл остида тўп сўраётган шогирдларига ишониши ва шунинг учун таркибда ўзгариш қилишга ҳожат йўқлигини маълум қилди.
Хабарингиз бор, Нурали Султонов шогирдлари иккинчи давра илк баҳсини 12 август куни сафарда “Ёзёвон-Лочинлари” жамоасига қарши ўтказишади. Ушбу баҳсда ёш футболчиларимизга омад тилаймиз.
Фахриддин ЧОРИЕВ.
