Нуфузи жиҳатидан Чемпионлар лигасидан сўнг иккинчи ўринда турувчи Европа Лигасида учинчи саралаш босқичининг жавоб учрашувлари ўтказилди. Биз учун аҳамиятлиси, ҳамюртимиз Одил Аҳмедов тўп тепаётган “Краснодар” клуби икки ўйин натижасига кўра Словакиянинг “Слован” клуби тўсиғидан ўтгани бўлди.

“Краснодар” ўз майдонида кечган илк учрашувда 2:0 ҳисобида зафар қучган эди. Братиславада бўлиб ўтган жавоб ўйинида томонлар 3:3 ҳисобидаги жанговор дурангга имзо чекишди. Учрашувда Аҳмедов тўлиқ ҳаракат қилди. “Слован” таркибида Виттек хет-трикка эришган бўлса, “Краснодар” ярим ҳимоячиси Мамаев дубль қайд этди.  

“Слован” (Словакия) – “Краснодар” (Россия)  3:3 (0:2, 3:1)

6 август, 23.15. “Пасиенки” стадиони

Голлар: 0:1 – 8, пенальти Мамаев,  0:2 – 11 Мамаев,  1:2 – 54 Виттек,  2:2 – 60 Виттек,  3:2 – 77 Виттек,  3:3 – 90, пенальти Смолов.

“Слован Братислава” – Муха, Горосито, Гудак, Секулич, Салата, Гонсалес (Штефаник, 81), Подани, Пелтьер (Месарош, 46), Кубик (Оршула, 74), Милинкович, Виттек.

“Краснодар” – Дикань, Сигурдссон, Гранквист, Енжейчик, ОДИЛ АҲМЕДОВ, Мамаев (Торбинский, 46), Лаборде (Вандерсон, 78), Газинский (Страннберг, 64), Петров, Смолов, Ари.

Огоҳлантиришлар: Пелтьер (33), Месарош (55), Газинский (58), Страннберг (72).