“Бунёдкор” – “Қизилқум” учрашувидан кейинги матбуот анжуманининг биринчи қисмида навоийликлар бош менежери иштирок этди.

- “Бунёдкор” жамоасини ғалаба билан табриклайман. Учрашув биз учун қийин ва оғир ўтди. “Бунёдкор” таркибида терма жамоа аъзолари ҳаракат қилишади. Уларга қарши биз тенгма-тенг ўйин намойиш этишимиз қийин эди. Шунга қарамасдан ёмон ўйнамадик, деб ўйлайман. Мағлубиятга учраган бўлсак-да, шогирдларимга ҳеч қандай эътирозим йўқ.

Баҳриддин Ваҳобовни алмаштиришимнинг боиси шуки, ҳисоб йириклашиб кетиши мумкин эди. Шунинг учун ҳам ҳужумчиларимиз сонини биттага камайтириб, ярим ҳимояни зичроқ кўринишга келтирдим. Кейинги учрашувларда очколар жамғариб, мухлисларимизни хурсанд қилишга ҳаракат қиламиз, - дейди “Қизилқум” ФК бош менежери Ҳамиджон Актамов.