“Бунёдкор” – “Қизилқум” учрашувидан кейинги матбуот анжуманидан иккинчи қисмида “қалдирғочлар” устози иштирок этди.
- Учрашувда қайд этилган натижадангина қониқдим. Лекин намойиш этган ўйинимиздан хурсанд эмасман. Баъзи футболчилар ўз имкониятларидан анчайин паст савияда футбол ўйнашди. Бу борада иш олиб борамиз ва муаммони бартараф этишга ҳаракат қиламиз.
“Бунёдкор”да заҳира футболчиси ёки асосий ўйинчи, деган гап йўқ. Ҳамма асосий таркибга номзод бўлган футболчилар. Шу жумладан Рустамжон Ашурматов ҳам. Хайрулла Каримов бизда ўйновчи мураббий. У мураббий бўлишга жуда яқин. Айтишим мумкинки, у деярли мураббий. Керак пайтда Хайрулла майдонга тушади ва жамоага ёрдам беради, - дейди Сергей Иванович.