"Барселона" ҳужумчиси Педро Родригес каталонияликларнинг техник котиби Роберт Фернандеснинг сўзларини инкор қилди.
Фернандес 28 ёшли футболчи ўзини трансферга қўйиб юборишларини сўрагани ҳақида хабар берганди.
"Фернандес менинг кетишни истаётганлигимни айтди? У бундай демаган, у билан ҳозир суҳбатлашдик. Президент ва бошқалар билан суҳбатлашдим. Менда қийин вазият юзага келди. Олдинда нима бўлади, билмайман, аммо мен ҳар доим "Барса" фанати бўлиб қоламан.
Кетишни итсайманми? Менинг жавобим - йўқ, аммо вазият ўта жиддий. Гап пулда эмас, катта ўйин амалиётида", - дейди Педро.
Педронинг товон пули 30 миллион евро қилиб кўрсатилган, унга "МЮ" ва "Манчестер Сити" клублари қизиқишмоқда.
