Ўзбекистон кубоги яримфиналида "Пахтакор" - "Бунёдкор" ўртасидаги биринчи учрашувдан сўнг ўтказилган матбуот анжуманида биринчи бўлиб "шерлар" устози Нўъмон Ҳасанов иштирок этди.
Ҳасанов: "Иккала жамоа ҳам яхши ўйнади, кўп тер тўкилди. Фикримча, ҳали олдинда жавоб ўйини бор. Шу боис ҳали ҳеч нарса йўқотмадик.
"Бунёдкор"нинг биринчи голи бизни синдирди. Кейин ҳужумга ўтдик, яна ўтказдик. Тезкор гол режаларимизни ўзгартириб юборди, Хатолар бўлади. Ҳатто сардоримиз Махарадзе ҳам хато қилди. Бунинг сабаби ўша биринчи гол деб ўйлайман. Футболда энг ёмони шу.
Пардаевнинг ўйин амалиёти кам. Пардаевга вақт беряпмиз ва уни эски спорт формасига қайтаряпмиз. Андреев кўп хато қилди. Унинг паслари яхши чиқмади. 10 кун ичида тактикамизни ўзгартириб юбора олмайман. Менда вақт йўқ. Ўйин услубимиздан воз кечмаймиз.
Омадимиз ҳам келмади. Ўйин жиҳатдан кучлимиз. Лекин натижа "Бунёдкор" томонида бўлди".
