“Атлетик” жамоаси ҳужумчиси Ариц Адурис Испания Суперкубогининг биринчи учрашувида “Барселона” дарвозасига 3та гол урди. Ўйин “Атлетик” фойдасига 4:0 ҳисоби билан якунланди.

34 ёшли футболчи ўйиннинг 53 ва 62-дақиқаларида рақиб дарвозасини ишғол қилди, шунингдек, 68-дақиқада пенальтидан унумли фойдаланди.

Шу тариқа, Адурис 2005 йилдан буён “Барселона”га хет-трик урган биринчи футболчи бўлди. Ўшанда “Вильярреал” ҳужумчиси Диего Форлан “Барса” дарвозасига 3та тўп йўллаган эди.

Бундан ташқари, “Барселона” 2001 йилдан буён биринчи марта кетма-кет иккита учрашувда 4та тўп ўтказиб юборди. Бир неча кун муқаддам жамоа Европа Суперкубогида “Севилья” билан 5:4 ҳисобида ўйнади. 2001 йилда эса каталониялик “Вильярреал” ва “Сарагоса”га қарши кечган баҳсларда кетма-кет икки марта 4дан гол ўтказиб юборган эди.