Австрия пойтахти Вена шаҳрида шахмат бўйича "Vienna Chess Open 2015" халқаро турнири ўтказилмоқда.
Мазкур нуфузли мусобақанинг “А” гуруҳида иштирок этаётган 265 нафар шахматчидан 76 нафари дастлабки икки турда ғалаба нашидасини сурдилар.
Эътиборлиси, юз фозлик кўрсаткич билан пешқадамлар сафидан ўрин олган спортчилар орасидан ҳамюртимиз Ирина Геворгян (2206) ҳам ўрин эгаллаган.
Тажрибали спортчимиз ҳар икки турда ҳам мезбонлар вакилига қарши дона сурди ва ҳар иккисидан ҳам зафар қучди. Дастлаб Leisch Lukasни (1948) мағлуб этган юртдошимиз, иккинчи партияда Diermair Andreasдан (2485) устун келди. Учинчи турда Ирина Геворгян Қозоғистон вакили Жансаей Абдумалик (2371) билан куч синашади.
Ҳамюртимизга навбатдаги партияларда ҳам омад ва зафарлар тилаб қоламиз.
