"Ливерпуль" ҳужумчиси Марио Балотелли олдида фаолиятини давом эттириш учун иккита вариант бор.
Sky Italia хабарига кўра, "Ливерпуль" раҳбариятининг режаларидан ташқарида қолган футболчига "Уотфорд" ва "Сампдория" клублари қизиқишмоқда.
Геняликлар Балотеллига қизиқаётганликларини тасдиқлаганлар, аммо унга Англиядаги каби маош бера олмасликларини ҳам айтишган. Турли манбаларга кўра, Балотелли йилига 6 миллион евро маош олади.
Агар бошқа вариантлар чиқмаса, Балотелли "Сампдория"га ўтишга рози бўлиши айтилмоқда. Аввлроқ италиялик футболчи "Ал Аҳли" таклифига рад жавобини берган эди.