“Барселона” ҳимоячиси Марк Бартра жамоа таркибида бўлган ўзгаришлар ҳақида ўз фикрларини айтиб ўтди.
“Хави ва Педронинг кетиши бизни кучсизлантиргани йўқ. Уларни соғинаман, лекин “Барса” каби жамоалар кучли футболчиларни йўқотганидан кейин уларнинг ўрнига муносиб ўйинчиларни олишади.
Таркибимизда мактабимизнинг бир неча тарбияланувчилари тўп суришмоқда. Аммо ҳар доим ҳам асосий таркибда ўйнай оладиган футболчиларни етиштириб бўлмайди. Шунинг учун ҳам “Барса” бошқа клублардан истеъдодли футболчиларни харид қилган ва улар ёрдамида енгилмас жамоага айланамиз”, - дея каталонияликлар ҳимоячи сўзларини келтиради Sports.ru.
