Камеруннинг иккинчи дивизионида қатнашувчи Дуаланингг "Динамо" клуби ҳужумчиси Леопольд Ангонг Обен ўйин вақтида ҳушини йўқотди ва шифохонада вафот этди.
Жарима зарбаси тепилган чоғда 26 ёшли футболчига нисбатан қоида бузилди. Унга тиббий ёрдам кўрсатилди ва шундан сўнг яна майдонга қайтди. Бир неча дақиқадан сўнг Обен ҳушини йўқотди. Шифохонага олиб кетилган футболчи ўша ерда вафот этди. Ўлим сабалари ошкор қилинмаган.
Бу ҳолат "Динамо"да охирги уч ҳафтадаги иккинчи ҳодиса бўлди. Аввалроқ27 ёшли дарвозабон Фердинанд Мбог оламдан ўтган эди.
