"Навбаҳор" - "Бунёдкор" учрашувидан сўнг ташкил этилган матбуот анжумани икккинчи қисмида "Навбаҳор" бош мураббийи Бахтиёр Ашурматов қатнашди.
"Бугунги ўйин дурангга мос бўлди. Йигитларга ҳеч қандай эътирозим йўқ. Чунки улар ғалаба учун охиигача курашишди, бор кучларини майдонда сарф қилишди. Афсуски, "Бунёдкор" учрашув охирида вазиятдан фойдаланиб, гол урди ва ғалабани қўлга киритди. Мухлисларимиз беллашув охиригача бизни қўллаб-қувватлаб туришди. Бу футбол, ғалаба ва мағлубият ёнма-ён юради.
Афсус, бугун мағлубиятга учрадик. Ўтган турда "Сўғдиёна"га имкониятни бой берганимиз туфайли таркибда ўзгаришларни амалга оширишга қарор қилгандик. Алишер Маҳмудов ва Роббим Ҳасановларнинг қайдномага киритилмаганликлари жарохат билан боғлиқ. Уларнинг ўрнини асосий таркибда майдонга тушган йигитлар билинтирмасликка ҳаракат қилишди. Лекин, биз истаган режалар охиригача амалга ошмади".
