Кеча Муборакда Олий лиганинг 20-туридан ўрин олган "Машъал" - "Нефтчи" учрашуви бўлиб ўтди.
Ўйиннинг дастлабки дақиқаларидан майдон эгалари ўйинни ўз ташаббуси остида бошлади. Кетма-кет ҳужумлар якуний натижа бермади. 5-дақиқада Букаткиннинг зарбасини дарвозабон қийинчилик билан майдондан чиқариб юборишни уддалади. 24 дақиқада Ғиёсжон Комилов гол киритиш учун юзага келган жуда қулай вазиятда Черемисин жарима тўпини моҳирлик билан қайтариб юборишга эришди. 30 дақиқада Мансур Саидов ҳимоячилардан қочиб кетишни уддалади ва дарвозага зарба берди. Қувватов зарбани бартараф этди лекин қайтган тўпга биринчи бўлиб йетиб келган Шерзод Ҳакимов ҳисобни очди. Шундан сўнг мезбонлар яна кўпроқ босим билан ҳужумлар ташкил этди. 34 дақиқада Зафар Тўраевнинг 25 метрдан берган кучли зарбасини дарвоза тўсини қайтарди. Биринчи бўлимга қўшиб берилган дақиқада Мирзоҳид Ғофуровни бурчакдан киритиб берган тўпни Сирож Ҳамроев боши билан дарвозага аниқ йўллади. Бўлим шу ҳисоб билан якунланди.
Иккинчи бўлимни ҳам гол билан бошладик. Марказдан бошланган тўпни бир оширишда Шодмонов бир оширишда жарима майдончаси ичига йўналтирди. Вазиятни эса Муртозаев бой бермади. Боши билан тўпни дарвоза томонга буриб қўйди ва жамоасини олдинга олиб чиқди. Энди ҳужумлар ташкил этиш меҳмон томонига ўтди. Мансур Саидов ва Сардор Раҳмонов жарима майдончаси ичида зарба йўллашда бир-бирини тушунмай қолди. Сўнгги дақиқада яна бир бор Раҳмоновни зарбасини дарвоза тўсини голдан сақлаб қолди. Ўйинда бошқа ҳисоб ўзгармади ва "газчилар" иродали ғалабага эришди.
Ушбу ғалабадан сўнг очколаримиз сони 25 тани ташкил этмоқда ва турнир жадвалида уч поғона юқорилаб саккизинчи ўринга жойлашди.
Энди жамоамиз навбатдаги турни Қўқонда 12 сентябр куни "Қўқон-1912"га қарши ўтказади.
Олий лига, 20-тур.
«Машъал» (Муборак) – «Нефтчи» (Фарғона) 2:1
Голлар: Шерзод Ҳакимов 30, - 0:1. Сирож Ҳамроев 45, - 1:1 (Мирзоҳид Ғофуров). Ҳумоюн Муртазоев 47, - 2:1 (Аббос Шодмонов)
"Машъал": 1.Санжар Қувватов, 22.Сирож Ҳамроев, 55.Микита Букаткин, 23.Мирзоҳид Ғофуров (10.Жамшид Хасанов, 55), 5.Ғиёсжон Комилов, 18.Аббос Шодмонов (20.Шерзод Файзиев, 73), 90.Зафар Тўраев, 7.Жаҳонгир Жиямуродов, 9.Ҳумоюн Муртозаев, 26.Зоҳир Қўзибоев (с), 47.Дилявер Абибуллаев (13.Шахзод Шайманов, 63).
Захира: 30.Ботир Носиров, 24.Сирожиддин Раҳматуллаев, 70.Шоҳруҳ Достонов, 16.Холмурод Холмуродов
"Нефтчи": 30.Eвгений Черемисин, 3.Шукурали Пўлатов, 7.Мансур Саидов, 8.Акмал Холматов (26.Отабек Исроилов, 70), 9.Шерзод Ҳакимов (10.Муродбек Бобожонов, 55), 18.Жавоҳирбек Расулов, 20.Дилёрбек Ирматов, 27.Адриан Кашкавал, 33.Сардор Раҳмонов, 38.Аббосбек Махситалиев, 44.Умиджон Қодиров.
Захира: 16.Абдумавлон Абдужалилов, 2.Сардор Қулматов, 5.Достонбек Турсунов, 13.Зокиржон Нурматов, 22.Рўзимбой Аҳмедов
Огоҳлантиришлар: Сирож Ҳамроев 76, Отабек Исроилов 76, Жаҳонгир Жиямуродов 90, Сардор Раҳмонов 90.
Четлатиш: Сирож Ҳамроев 78 (иккинчи сариқ)
