«МЮ» ҳужумчиси Уэйн Руни ЕЧЛ плей-офф босқичи доирасида «Брюгге»га қарши бўлиб ўтган ўйин (4:0)да хет-трикка эришди. Учрашувдан кейин у ўз фикрларини билдириб ўтди.

«Агар кучли характерга эга бўлмаганимда, балки, танқидлар менга таъсир қилган бўларди. Лекин мен нималарга қодирлигимни биламан. Гол ура олмасам ҳам, жамоа учун кўп иш қиламан.

Ҳозирча ҳаяжонланмадим. Агар бундай ҳолат 3-4та ўйинга чўзилса, балки шунда ҳаяжон бошланиши мумкин. Лекин мавсум энди бошланмоқда, ишончим комил, гол уриш учун имкониятлар бўлади.

Табиийки, ҳамиша ғалаба қозонишни, гол уришни истайсан. Ўтган мавсумдан бери бир қатор ўйинларда гол ура олмай келаётгандим. Лекин ҳозир кўп кучли ҳужумчиларда шундай ҳолат. Менинг номим ва ҳолатим туфайли менга эътибор юқори. Буни тушунаман. Бу менинг ишим», – дейди Руни.