Замонамизнинг энг кучли футболчилардан бири бу албатта Криштиану Роналду. Доимо у ҳақида турли ҳил фикрлар янграган. Жаҳоннинг машхур футболчилари ва мураббийлари португалиялик суперюлдуз ҳақида билдирган ёрқин иқтибосларни сизларга тақдим этамиз.
“Роналду дунёнинг энг яхши ўйинчиси. У Кака ва Мессидан зўрроқ. У ҳаммадан олдинда”, — Алекс Фергюсон.
“Роналдудан кўра яхштроқ ўйинчи йўқ. У ҳар қандай жойда ўйнай олади. У доимо гол уради, чунки у ҳаммадан тез югуради ва баландроқ сакрайди. У ажойиб ўйинчи. Роналду ҳохлаган жамоада бир мавсумда 30 та гол ура олади”, — Луи Саа.
“Мен Роналдуни майдонда қандай ҳаракат қилаётганини томоша қилишни яхши кўраман. Криштиану шундай ўйин кўрсатадики, баъзан ҳақиқий ўйин эмас балки PlayStationда ўйин томоша қилётгандек туюлади”, — Эммануэль Адебайор.
“Тўғрисини айтсам, мен бугун Криштиануни “МЮ”да кўришни жуда ҳохлайман. У дунёда тенги йўқ ўйинчи, бизнинг жамоамиздан уни “Реал”га ўтиб кетганидан афсусланмаган ўйинчини топа олмайсиз”, — Уэйн Руни.
“Мен унга қойил қоламан, у буюк. У кучли мудофаани ҳис қилади ва унга қарши чора кўра олади”, — Микель Артета.
“Роналду яхши дриблинга эга, тўп узатишларни яхши хис қилади. У ҳаммага ёқади”, — Хави.
“Ҳа у буюк. У ўзининг ҳақиқий тезлигига чиққанда қанот ҳимоячиларига жуда қийин бўлиб қолади”, — Мартин Шкртел.
“У жисмонан ва техник жихатдан кучли. Қисқа қилиб айтганда унда ҳамма нарса бор”, — Руд ван Нистелрой.
“Роналду мен билан бирга ўйнаганларнинг орасида энг зўри. У инсон эмас. У ҳақиқий машина”, — Зоран Ташич.
“У тўлиқ мувозанатга эга футболчи, мен унинг кучсиз томонларини кўрсата олмайман. Оёқ, бош билан ўйнаш, ажойиб тезлик унда ҳаммаси бор. Роналду буюк ўйинчи, у жамоаси учун бор иқтидорини беришга тайёр. У биз билан бирга ўйнаётганидан жуда бахтлимиз”, — Португалия ярим ҳимоячиси Жуан Мотинью.
“Роналду феномен. Албатта Месси кучли, лекин “Реал” ва дунё футболи учун Роналду биринчи рақамли ўйинчи”, — Роберто Карлос.
“Роналду ва Месси буюк футболчилар. Лекин мен учун Роналду дунёнинг энг зўр ўйинчиси. Буни у билан бир жамоада ўйнаганим учун айтмаяпман. Шунчаки Роналду майдонда ҳамма нарсани Мессидан кўра яхшироқ бажара олади. Криштиану идеал футболчи”, — Пепе.
“Мен Криштиану Роналду ҳақида қўшиқ ёзмоқчи бўламан, лекин унинг ўйинини тарифлаш учун сўзларим етмайди”, — Мишел Тело қўшиқчи.
“Роналду – менинг жамоамда ўйнашини хохлаган футболчиларимдан бири”, — Марадона.
“Роналду бизнинг “ўлдирувчи қуролимиз” деб атасак бўлади”, — Хорхе Вальдано.
“Унинг янаям юксалиш учун тинмай ва чарчамай ишлаши мени хайратлантиради. Энг яхши бўлиш истаги — бу Роналдуни энг юқори чўққида туришига сабабчи омилдир”, — Зинедин Зидан.
“Роналдунинг “Реал”даги ютуқлари хайратланарли. У ҳар мавсумда ўртача 50 та гол урмоқда. Криштиану мен 20 йилда амалга оширган ишимни у атиги 6 мавсумда амалга оширди. Умид қиламанки у “Реал”га янги совринлар ютишда ёрдам беришда давом этади”, — Раул.
“Роналду шу даражага етдики — одамлар у урган голлар сонини аниқ била олмай қолдилар. Шахсан мен ўзим адашиб кеттим. Криштиану жамоа совринларни ютиб олиши учун бор кучини сарфлади. Ундан бошқа нарса талаб қилиб бўлмайди”, — Карло Анчелотти.
“Мен Роналду билан битта жамоада ўйнашдан бахтли бўлган бўлар эдим”, — Месси.
