1992 йилдан буён ўтказилиб келинаётган Украина чемпионати тарихидаги энг сермаҳсул футболчилар ҳақида биласизми? Furkat.uz сайти бу борада сизга маълумот бериб ўтишни жоиз деб топди.

10. Андрей Шевченко 172 ўйин – 83 гол
Шевченко Киевнинг “Динамо” клуби таркибида умумий ҳисобда 8 мавсум давомида тўп суриб 83 та голга муаллифлик қилган. Андрей айнан “Динамо”да танилиб кейинчалик “Милан” сафида бир қатор ютуқларга эришган.

9. Александр Косирин. 240 ўйин – 84 гол
Косорин Украина чемпионатида жами 15 мавсум давомида “Черноморец” Одесса, “Металлург” Донецк, “Говерла”, “Ужгород” жамоалари шарафини ҳимоя қилган. Саша энг кўп голини Одессаликлар таркибида урган. У “Черноморец” либосида Украина чемпионатида 52 та тўп киритган.

8. Тимерлан Гусейнов. 215 ўйин – 85 гол
Гусейнов фаолиятини “Заря”да бошлайди ва ушбу жамоа таркибида Украина чемпионатида ўз ҳисобига 19 та гол ёздириб қўяди. Кейинчалик ҳужумчи Одессанинг “Черноморец” клубига ўтиб у ерда 66 та голга муаллифлик қилди.

7. Сергей Мизин. 342 ўйин – 90 гол
Мизин Украинадаги энг кўп жамоа шарафини ҳимоя қилган футболчилардан биридир. Сергей “Динамо” Киев, “Днепр”, “Черноморец”, “Арсенал” Киев, “Карпати”, “Кривбасс” ва “Металлист” клублари таркибида 90 та гол кииртган. Ҳужумчи учун энг омадли клуб “Карпати” бўлди. У Лвовликлар сафида 25 марта рақиблар посбонларини ранжитишга муваффақ бўлган.

6. Марко Девич. 219 ўйин – 90 гол
Девич “Металлист” таркибида ажойиб онларини ўтказди. Ҳужумчи Харковликлар учун чемпионатда жами 84 та тўп киритди. Кейинчалик у Луцкнинг “Волин” ва Донецкнинг “Шахтёр” жамоаларида ҳам ҳаракат қилди. Бироқ анча омадсиз. Марко 10 мавсум давомида ўз ҳисобига 90 та гол ёздириб қўйди.

5. Александр Гайдаш. 218 ўйин – 95 гол
Гайдаш Украина чемпионатидаги 12 йиллик фаолияти давомида фақатгина 2 та жамоа шарафини ҳимоя қилиб 95 та гол урди. У Симфераполнинг “Таврия”сида 85 ва Мариуполнинг “Металлург”ида 10 та тўп киритган.

4. Евгений Селезнёв. 212 ўйин – 100 гол
Селезнёв 2006-йилдан буён Украина чемпионатида тўп суриб келмоқда ва у бу давр ичида ўз ҳисобига роппа-роса 100 та гол ёздириб қўйди. Селезнёв бу голларини “Шахтёр”, “Арсенал” ва “Днепр” жамоалари таркибида киритган.

3. Андрей Варобей. 315 ўйин – 105 гол
Варобей Донецкинг “Шахтёр” жамоасида чемпионатда 80 та гол урган. Шунингдек Днепропетровскинг “Днепр”, Киевнинг “Арсенал” ва Харковнинг “Металлист” жамоалари учун 25 та тўп киритган. Варобей ўртача ҳар уч ўйиннинг биттасида ўз номини таблога ёзидриб қўйган.

2. Сергей Ребров. 261 ўйин - 113 гол
Украин футболи афсонаси Ребров яқин яқингача чемпионатдаги энг сермаҳсул футболчи эди. У фаолиятини “Шахтёр”да бошлаган ва ушбу жамоа учун 10 та гол урган бўлса, Киевнинг “Динами”сида бу кўрсаткичини 113 тага етказди. Ребров бир марта 1998 йилда чемпионатнинг энг яхши тўпурари бўлган.

1. Максим Шацких. 338 ўйин – 124 гол
Украина чемпионатидаги энг сермаҳсул тўпурар бу Ўзбекистонлик Максим Шацкихдир. Супер Макс “Динамо”да - 97 та, “Арсенал”да – 22 та ва “Говерла”да 5 та гол киритган. Шацких 6 марта Украина чемпиони бўлиб, 2 бора энг яхши тўпурарга аталган совринга эга чиққан. Максим шунингдек Украин клублари сафида энг кўп гол урган легионер сифатида ҳам пешқадамлик қилмоқда.

Фурқат Юсупов
Манба: Furkat.uz