"Манчестер Юнайтед"нинг асосий ҳужумчиси Уэйн Руни жамоанинг охирги трансферларидан бири, франциялик ёш ҳужумчи Антони Мартиалнинг кимлигини суриштирди.
Шу мақсадда у "МЮ"нинг бошқа бир франциялик футболчиси Морган Шнайдерлинга мурожаат қилган.
"Тўғрисини айтсам, кеча Руни олдимга келди ва Мартиалнинг кимлигини сўради. Сардор жамоамиз бу футболчига қизиқишни бошлагунича у ҳақида ҳеч қандай маълумотга эга бўлмаган.
Мен унга Мартиалнинг ўтган мавсумда "Монако" сафида ўтказган ўйинлари ҳақида айтиб бердим. Унинг техникаси Тьерри Анрини эслатиши ҳақида айтганимдан кейин Руни Мартиаль ҳақида узил-кесил тасаввур ҳосил қилди.
Айни вақтда кўпчилик бу трансфер суммасининг ўта катта миқдордалигига эътибор қаратмоқда. Мен Мартиалдан бу гапларга чалғимаслигини сўраган бўлардим. Матбуотда унинг ўзига сарфланган маблағни оқлаши бўйича мунозара кетмоқда. Ундан янги мавсумда жуда кўп голлар уришини кутишлари табиий. Лекин у ўзининг имкониятларида ўйнаб бериши етарли бўлади. У босим остида қолмаслиги керак. Менимча шунда ҳаммаси яхши бўлади", дейди Шнайдерлин.
Эслатиб, ўтамиз, "МЮ" 19 ёшли бу футболчининг трансфери учун "Монако"га 80 млн евро тўлайди.
