Бугун биз учун, бутун ўзбек халқи учун ниҳоятда қадрли кун. Бугун юртимизнинг Мустақил деб эълон қилинганига 24 йил тўлди. Мустақиллик даврида футболимиз, умуман ўзбек спорти янги босқичга чиқди. Ўзимиздан ҳам чемпионлар етишиб чиқа бошлади. Давлат томонидан футболга эътибор кучайди. Ўз ички чемпионатимизга, миллий терма жамоамизга эга бўлдик. Буларнинг ҳаммаси энг аввало Мустақиллик шарофати билан рўй берди.

Шу фурсатдан фойдаланиб, барча юртдошларимизни ҳаммамиз учун энг азиз Мустақиллик байрами билан табриклаймиз. Тинчлик-хотиржамлигимизга ҳеч қачон кўз тегмасин. Муҳтарам Президентимиз айтиб ўтганларидек, Мустақиллигимиз абадий бўлсин!

“Локомотив” ПФК маъмурияти.