Жаҳон чемпионати-2018 иккинчи саралаш босқичи “H” гуруҳи 3-тури доирасидаги Ўзбекистон-Яманга учрашувидан сўнг матбуот анжумани ўтказилиб, унинг иккинчи қисмида Ўзбекистон миллий терма жамоаси бош мураббийи Самвел Бабаян иштирок этди.

"Ўйлашимча ўйин мухлисларга ёқди. Натижадан хурсандмиз.Аввал ҳам айтганимдек, ҳозир Осиёда ҳам ҳамма футбол ўйнашни ўрганиб олган. Ҳали йигитлар янги ўйин услубини тўлиқ ўзлаштириб улгуришмади. Умуман олганда бугунги ғалабадан хурсандмиз, йигитларга раҳмат айтаман.

Кейинги ўйин учун таркибни айтишимни истайсизми? Бунга ҳали эрта. Ўша куни майдонга тушишга тайёр бўлган, энг муносиб футболчи майдонга тушади. Тўхтахўжаев бугун балки ҳужумга кам ўтгандир, аммо у тажрибали футболчи ва айнан шунинг учун майдонга туширдим.

Ҳозирча таркибимизда энг қийини Рашидовга, чунки у икки ойдан буён расмий ўйинда майдонга тушмаган. Аммо бугун Рашидов унга берилган вазифаларни яхши бажарди, у нафақат ҳужумда, балки ҳимояда ҳам жамоага ёрдам берди. Кейинги ўйиндан олдин албатта бугунги ўйинни кўриб чиқамиз ва камчиликлар устида ишлаймиз”, — дейди Самвел Бабаян.