Чехия терма жамоаси дарвозабони Петр Чех Евро-2016 саралаш учрашувида Қозоғистон терма жамоаси билан учрашувдан сўнг (2:1) фикрларини билдирди.
"Биз жавоб тўпи киритиб, ғалаба қозона олдик, бундан жуда хурсандмиз. Менга кўп иш бўлгани йўқ, аммо ўйин қийин бўлди. Қозоғистон билан кутганимиздан қийинроқ ўйин бўлди. Биз ишладик, аммо рақиб ўз ўйини илан ҳурматга сазовор бўлди. Улар тактик жиҳатдан анча саводли ўйин кўрсатдилар, керакли натижага эришишлари учун озгина қолди.
Биз гуруҳимиздаги ҳаммани бир оёқда ютамиз деб ўйлаганимиз йўқ. Биз ютолмай қолишимиз мумкин бўлган ўйинлар борлигини биламиз, бу футбол. Масалан, Латвия билан учрашув, бизга ғалаба керак бўлган ўйинда очко йўқотдик", - дейди Чех.
