Италия вазирлар кенгаши келишилган ўйинларни ташкил қилувчиларни жавобгарликка тортишни кучайтириш бўйича қонун лойиҳасини маъқуллади.
Спортдаги қинғирликлар учун қамоқ жазосидан ташқари мол-мулкини ва пул маблағларини ҳам мусодара қилиш кўзда тутилган.
Ҳукумат қарорини Италия ички ишлар вазири Анжелино Альфано шарҳлади.
"Прокуратура мафия билан шу тарзда курашади. Чемпионат старти олдидан одамларга муҳим билдирув қилишни истадик. Бундан буён бу каби жиноятларга молиявий жазолар ҳам қўлланилади", - дейди Альфано.
"Жуда яхши янгилик! Ҳукуматга миннатдорчилик билдираман", - дейди Италия ФФ президенти Карло Тавеккио.
