Хабарингиз бор, бир неча кун аввал Ўзбекистон миллий терма жамоаси Жаҳон чемпионати-2018 саралаш баҳсида Яман терма жамоасига қарши баҳс олиб борди. Самвел Бабаян қўл остида ўтган дастлабки учрашув терма жамоамизнинг 1:0 ҳисобидаги ғалабаси билан якунланди. Россия терма жамоаси Фабио Капеллони ишдан бўшатиб, унинг ўрнига ЦСКА устози Леонид Слуцкийни бош мураббий этиб тайинлади. 44 ёшли мутахассисЕвро-2016 турнирига саралаш баҳси гуруҳ босқичида Швецияга қарши тўқнашувда ўз дебютини ўтказди. Слуцкийнинг дебюти ҳам омадли чиқди ва руслар 1:0 ҳисобида зафар қучишди. Дебют учрашувлар ўтказиш бўйича Томас Тухельга етадигани йўқ. "Боруссия Д"ни Юрген Клоппдан аянчли аҳволда қабул қилиб олган Тухель, Германия чемпионати илк турида "Боруссия М"га қарши баҳс олиб борди ва унинг шогирдлари 4:0 ҳисобида йирик ғалабани қўлга киритишди. Умуман олганда Тухельнинг "оёғи енгил келди", зеро "Боруссия Д" германиялик мутахассис қўл остида ўтказилган барча учрашувларида ғалаба қозонди (шу жумладан Европа лигасида). Ҳозирда "қора-сариқлар" Бундеслигада 9 очко билан биринчи поғонани эгаллаб туришибди.
Шу кунларда, Европа яшил майдонларида Евро-2016 турнирига саралаш баҳслари 7-8 тур (8-тур ҳамон давом этмоқда) учрашувлари бўлиб ўтди. "А" гуруҳи фаворити сифатида эътироф этилган Голландия терма жамоаси ўзига билдирилган ишончли оқлай омади. Бўлиб ўтган 8 турдан сўнги "учар голландлар" атиги 10 очко жамғариб, гуруҳда бор йўғи тўртинчи ўринни эгаллаб туришибди. Бир неча кун аввал Данни Блинд шогирдлари ўз майдонида Исландияга 0:1 ҳисобида имкониятни бой беришди. Сўнгги турда эса Туркиядан учралган 0:3 ҳисобидаги йирик мағлубият голландияликларни Евро-2016 саралашига чиқиш масаласини деярли йўққа чиқарди.
Голландия сўнгги 40 йил ичида энг йирик мағлубиятни қабул қилди >>>
Голландиянинг 15 йиллик мағлубиятсиз сериясига якун ясалди >>>
ЖЧ-2014да Голландияни бронза медаллари соҳибига айлантирган Луи ван Галмундиал якунлангач терма жамоани тарк этиб, "Манчестер Юнайтед"ни бошқаришга ўтади. Европа чемпионатига саралаш баҳсларида Голландяини аввалГуус Хиддинк бошқаради. Омадсиз ўйинлардан сўнг унинг ўрнини Данни Блиндэгаллайди. Афсуски, у ҳам Хиддинк сингари ижобий натижаларга эриша олмайди.
Зоҳид Акрамов тайёрлади
