Иордания шаҳзодаси Али ибн Ал-Ҳусайн ФИФА президенти лавозимига ўз номзодини қўйишини эълон қилди, деб хабар бермоқда Reuters ахборот агентлиги.
Ал-Ҳусайн Цюрихда 29 майда бўлиб ўтган сайловларда ФИФАнинг амалдаги президенти Йозеф Блаттернинг ягона рақиби бўлган эди. Иордания шаҳзодаси овоз беришнинг 2-босқичи олдидан ўз номзодини олиб ташлаган. Блаттер ўз лавозимига қайта сайлангандан бир неча кун ўтиб, ФИФАдаги коррупцион можаролар ортида ўзининг истеъфога кетишини маълум қилди. ФИФА раҳбари лавозими учун навбатдан ташқари сайловлар 2016 йил 26 февралда бўлиб ўтади. Бунгача Блаттер ФИФА президенти мажбуриятларини бажариб туради.
