“Бавария” янги футболчиси Кингсли Коман келажакда мюнхенликлар асосий таркибида Франк Рибери ёки Арьен Робен ўрнини эгаллаши мумкин.
Немис клуби спорт директори Маттиас Заммер “Ювентус”дан икки мавсумга ижарага олинган 19 ёшли франциялик футболчининг етакчилар жароҳат олган вақтда уларни алмаштира олиши мумкинлигини айтиб ўтди.
- У жамоа ўйинига таъсир кўрсата олади, - дея Заммер сўзларини келтиради Bild хабарига асосланиб Спорт Экспресс нашри. - Агар бош мураббий уни майдонга туширса, Коман учрашувда бор кучи билан ўйнайди. Унинг келажаги порлоқ. Мен у Робен ва Риберига муносиб ўринбосар бўла олади деб ҳисоблайман.
