“Бунёдкор” – “Металлург” учрашувидан кейинги матбуот анжуманининг иккинчи қисмида “қалдирғочлар” устози қатнашди.
- Биринчи бўлимни жуда оғир ўтказдик. Рақиб бизга муносиб қаршилик кўрсатиб, етарлича сабоқ берди. Иккинчи таймда эса кўпроқ ҳужум уюштирдик ва стандарт вазиятидан киритилган гол бизга ғалаба келтирди. Бугун натижа хурсанд қилган бўлса-да, ўйин сифатимиз яхши бўлмади. Ҳали мавсум узун, ўйинлар кўп. “Металлург” мен учун ҳар доим етакчи жамоа бўлиб келган. Яхши жамоа. Мураббийлар штабида ҳам малакали мутахассислар фаолият олиб бормоқда. Рустам Ашурматов яхши, келажаги порлоқ футболчи. У ўсиб бормоқда. Бугунги ўйинни “Пахтакор”га қарши муҳим баҳс олдидан репетиция демаган бўлардим. Ҳар бир ўйинга алоҳида эътибор қаратамиз, - дейди Сергей Иванович.