“Шальке-04” спорт директори Хорст Хёльдт “Бавария” фахрий президенти Франц Беккенбауэр шаънига илиқ гаплар айтиб ўтди. 

Эслатиб ўтамиз, Кайзер Франц кеча яъни 11-сентябрь куни 70 ёшни қаршилаганди.

“Беккенбауэр мен учун немис футболининг ёрқин рамзи. У ЖЧ-2006нинг Германия яишл майдонларида ўтишини таъминлаган ва буни ўша вақтда кўпчилик орзу қилганди. Агар у сиёсат билан шуғулланганда, у ерда ҳам муваффақият қозонган бўларди”, — дея Хёльдт сўзларидан иқтибос келтиради Sport1 га асосланиб CHhampionat.com.

Беккенбауэр футболчилик фаолияти давомида бир неча бор ГФР чемпионлигини қўлга киритган ва Чемпионлар кубоги мусобақасид ҳам ғалаба қозонганди. ГФР терма жамоаси таркибида у 1972-йилда Европа чемпионатида, икки йил ўтгач эса ЖЧ-1974да ғалаба қозонганди. Шунингдек, у терма жамоа бош мураббийи сифатида ҳам ЖЧ-1990да чемпионликка эришган.