Бугун Осиёнинг бир қатор мамлакатларида ички биринчилик ўйинлари ўтказилмоқда.
Хусусан БАА Про Лигасида 2-тур ўйинларига старт берилди. Ҳамюртимиз Азизбек Ҳайдаров шарафини ҳимоя қилаётган “Ал Шабаб” жамоаси бу сафар “Ал Ваҳда” майдонига сафар уюштирди. Кескин курашларга бой тарзда ўтган бу ўйинда меҳмонларнинг қўли баланд келди.
Дубайликларга ғалаба келтирган голга 49-дақиқада Жо Алвеш муаллифлик қилди.
Ҳамюртимиз Азизбек Ҳайдаров бу ўйинда тўлиқ 90 дақиқа ўйнади.
БАА Про Лигаси, 2-тур
“Ал Ваҳда” – “Ал Шабаб” 0:1
Гол: Жо Алвеш (49)
Шу тариқа, “Шабаб” иккинчи турда ҳам ғалабага эришди ва ўз очколари сонини 6 тага етказиб олди.
