“Ливерпуль” собиқ сардори Стивен Жеррард ўз автобиографик китобида клубнинг собиқ ҳужумчиси Марио Балотеллини танқид остига олган. Хабарингиз бор, ўтган мавсум “қизиллар” шарафини ҳимоя қилган италиялик ушбу мавсумни ижара асосида “Милан”да ўтказмоқда.

“Балотелли билан ўртамизда ҳеч қандай муаммо бўлмаган. Мен унга ёрдам беришга уриндим, унинг ижобий ҳислатларини айтдим мақтаб ҳам кўрдим. Аммо кейинчалик Моуриньо “Балотеллини бошқариш қийин” деганида ҳақ бўлганини тушуниб етдим.

У жуда иқтидорли, дунё даражасидаги ўйинчи бўлиш учун унда салоҳият бор. Аммо Балотелли ўз хулқи туфайли бунга ҳеч қачон эришолмайди.

Балотелли ҳар доим кеч қолади, ҳамма вақт эътиборни талаб қилади, ҳар доим ОАВга чиқиши керак бўлмаган гапларни гапиради”, - дея “Спорт Экспресс” Жеррарднинг сўзларини келтиради.