ФИФА президенти порахўрлик билан боғлиқ яна бир можаро марказида қолмоқда.
Швейцариядаги SRF телеканалида айтилишича, 79 ёшли футбол амалдори ФИФАнинг собиқ вице-президенти ва КОНКАКАФнинг собиқ раҳбари Жек Уорнерга ЖЧ-2010 ва ЖЧ-2014 ўйинларини трансляция қилиш ҳуқуқини 600 минг долларга сотиб юборган.
Манбанинг маълум қилишича, бу бозордаги асл нархларнинг 5 фоизига тенг ҳисобланади.
Бироз олдинроқ, Уорнер ЖАРга 2010 йилги мундиал мезбонлиги берилишидан тушган 10 млн долларлик даромаднинг 1,6 млн долларлик қисмини ўз шахсий эҳтиёжлари учун сарфлаб юборгани аниқланганди.
Эслатиб ўтамиз, шу йилнинг май ойи охирида ФИФА тизимида порахўрлик ҳолатлари аниқлангач, амалдаги президент Йозеф Блаттер ўз лавозимини муддатидан олдинроқ тарк этиши ҳақида маълум қилганди.
