“Ливерпуль”нинг ашаддий мухлиси жамоа бош мураббий Брендан Рожерс истеъфоси учун Go Fund Me сайтида махсус ҳисоб рақами очди. Ушбу ҳаракат муаллифининг фикрича жамланган 10 миллион евро пул Рожерс истеъфосидан кейин унга компенсация тўлашни таъминлай олади.
“Мухлислар аламзада ва Рожерснинг истеъфоси учун унга компенсация пулини тўлашга ҳам тайёр туришибди. Сабр косамиз тўлди. Зерикарли футбол ва тушунарсиз трансферлар жонга тегди”, - дея фанат ёзган сўзларни келтиради Championat.com.
Эслатиб ўтамиз, Рожерс “Ливерпул”да 2012-йилдан бери ишлаб келмоқда. Айни кунларда клуб АПЛ мусобақа жадвалида 9-ўринда бораяпти.
