Бугун Тошкентда Ўзбекистон Кубоги-2015 ярим финалининг жавоб учрашуви “Локомотив” ва “Насаф” жамоалари ўртасида бўлиб ўтади.Ўз севикли жамоасини бевосита стадионда туриб қўллаб-қувватлаш мақсадида бугун эрта тонгда “Насаф” мухлислар клуби фаоллари Қаршидан Тошкент шаҳрига қараб йўлга чиқишди.

Фаол мухлисларни собиқ “Насаф” жамоаси ўйинчиси, айни пайтда Самарқанднинг “Динамо” жамоасида тўп сураётган Артём Филипосян йўлда яъни Самрақанд шаҳрида кутиб олди ва эсдалик учун расмга тушишди.

Артём Филипосян бошқа жамоаларда тўп тепишига қарамасдан “Насаф” мухлислар клуби фаоллари билан яқиндан дўстона алоқада блиб келади.

Бугун жуда кўп мухлислар Қаршидан Тошкентга жўнаб кетишди. Шунингдек бу мухлисларнинг сафига Тошкент шаҳрида таълим олаётган ва ишлаётган Қашқадарёлик футбол ишқибозларининг ҳам қўшилиши кутилмоқда.

Эслатиб ўтамиз учрашув бугун соат 18:00да ТТЙМИ стадионида бошланади. Учрашувни шунингдек спорт телеканали тўғридан-тўғри намойиш ҳам қилади.

Расм Санжар Сайфиевнинг facebookдаги аккуантидан олинди.