Ўн олти ёшгача бўлган футболчилар ўратсидаги Осиё чемпионати саралаш босқичи, 1-тури доирасидаги Ўзбекистон – Мальдив ороллари ўйинидан кейин (8:0) матбуот анжумани ташкил қилиниб, унда Ўзбекистон ўсмирлар терма жамоаси бош мураббийи Темур Олимхўжаев ўйин ҳақидаги фикрларини билдирди.

“Бугунги ўйиннинг дастлабки бўлимини кўнгилдагидек бошлай олмадик. Кўп вазиятларни голга айлантирилмади. Ҳисоб бундай кўриниш олгани билан, мен ўйиндан тўлиқ қониқиш ҳосил қилдим, деб айта олмайман. Биринчи таймдан мутлақо кўнглим тўлмади. Иккинчи бўлимда эса яхши футбол намойиш қилдик. Вазиятлардан фойдаланиш борасида биринчисидан анча самаралироқ бўлди”.

“Менинг жамоам, аслида, бугунгидан анча яхшироқ ўйнай олади. Ҳисоб аслида бундан анча каттароқ бўлиши керак эди”.

“Қолган рақиблар ҳақида тўхталадиган бўлсам, уларнинг ҳар иккиси ҳам яхши жамоалар ва жиддий рақиблар. Шунга қарамай, кейинги ўйинларда бугунгидан-да яхшироқ ўйин намойиш қилишга ҳаракат қиламиз. Биз барча ўйинларда ғалаба учун майдонга тушамиз”, - дейди Темур Олихўжаев.