"Интер" ҳимоячиси Мартин Монтойянинг агенти Хуан Де Диос Карраско мижозининг "Барселона"га қайтиши ҳақидаги хабарларни инкор этди.
"Бу гапларнинг барчаси сафсата. Монтойя Италия футболига мослашмоқда ва ҳозирча бирорта ўйинда майдонга тушганича йўқ.
Жамоа чемпионатда биринчи ўринда боряпти ва Мартин тезроқ "Интер"нинг жисмоний тайёргарлик ва тактик тизимига мослашиб олиш ҳақида ўйлаяпти. Миланда унга ҳамма нарса ёқади ва у шу ерда ўзини кўрсатмоқчи", - дейди Карраско.













